Россиялъул къватIисел ишазул министерлъиялъ лъазабуна Туркиялда 13 январалда букIараб теракталда хурхун ккурал Россиялъул гражданазда гьоркьов вугин Айдар Сулейманов. Татарстаналда тIатун бугин гьесул -Россиялда гьукъараб- «Исламияб пачалихъ» террористияб къукъагун бухьен букIинин. Министерлъиялъул вакил Захарова Марияца абуна Сулеймановас Россия тун бугин 2013 соналда ва гьев Интерполалъул цIех-рехалде лъазавун вугин 2015 соналдайин.
Туркиялда гIумру гьабун ругел Россиялдаса бусурбабазул хIакъалъулъ информация бакIарулей Прагаялдаса документалист Ольга КрАвецица абуна Эркенлъи Радиоялъул гIурус хъулухъалъе Туркиялда арбагI къоялъ ккурав лъабго Россиялъул гражданазул цоявги жанив тун кIигояв къватIиве виччан вугин.