«Исламияб пачалихъ» абулеб экстремистияб къукъаялъул чагIаз хамиз къоялда Джакарталде тIадекIанцIи гьабун буго. Индонезиялъул полициялъ ва бакIалъул информалатаз лъазабулеб буго гьеб бугин гьеб къукъаялъ Индонезиялде гьабураб тIоцебесеб гьужумин. Гьенир хварал анкьгоязул щугояв жалго тIадекIанцIарал рукIун руго. Гьединго хун вуго цо полициявги Канадаялдаса чиги. Лъукъун вуго 17 чи. Reutersалъ лъазабулеб буго тIадекIанцIаразул кIигояв полициялъ ккунги вугин.
Джакарта бакьулъ дармил централда аскIоб лъабго сагIаталъ халат бахъунеб букIана хасаб операция. Ахирги экстремистал жалго жидецаго кьвагьизарун руго.
Гьениб кколеб бихьизабулеб букIун буго бакIалъул телевидениялъ. Джакарталъул къватIахъан хьвадулел рукIун руго полициялги, бронетехникаги, роржунел рукIун руго тирелоялги.