МагъчIваялъе рес

Туркиялда ккурав 13 чиясда гьоркьов лъабго россиялъулавги вуго


Истамбулалда талат къоялда кьвагьи гьабурав чи вукIун вуго СагIудиязул ГIарабиялдаса ва гьес 5 январалда Туркиялда лъутизе бакI гьарун букIун буго.

Hurriet Daily News газетаялъ лъазабухъе, гьев вукIун вуго 28-сон барав Набиль Фадли. Гьеб информация къватIибе кьун буго кьвагьи ккараб бакIалда ратарал хутIелазул экспертиза гьабун хадуб.

Цебе лъазабулеб букIана хвалде унев «Исламияб пачалихъ» экстремистияб къукъаялдаса чи вукIанин.

Талат къоялда Истамбулалъул тарихияб централда кьвагьи гьабидал хун вукIана 10 чи, гьезулги ичIгоял Алманиялдаса туристал рукIун руго. Лъукъун вуго 15 чи, гьезулги кIигоял захIматаб хIалалда руго.

АрбагI къоялда Анкараялде вачIарав Алманиялъул жанисел ишазул министрас лъазабуна гьеб теракт хас гьабун Алманиялъул гражданазде данде гьабураб букIин чIезабулел киналниги далилал гьечIин.

Гьебго заманалда Туркиялъул Анталья, Конья ва Измир шагьаразда ккун вуго ДАГIШалда рукIиналда щаклъи бугев 13 чи. Гьезда гьоркьовги рагIула Россиялдаса лъабго чи.

XS
SM
MD
LG