Россиялъ лъазабулеб буго исана рагъулаб лъабго цIияб бутIа гIуцIизе букIиналъул улкаялъул магърибалъул рахъалда. Гьединго абулеб буго гьезда гъорлъ букIине бугин стратегияб ядериял ракетабазул щуго полк ва гьел рагъулаб хъаравуллъиялда чIезаризе ругин.
Россиялъул улка цIуниялъул министр Сергей Шойгул гьел рагIаби кьолел руго 12 январалда улкаялъул информалатаз. Гьес гьединго абун буго аслияб хIаракат бахъизе кколин стратегияб ядерияб ярагъил къуватал щула гьариялъе ва космосалдасан цIуна-къаялъул программа тIубазабиялъейин. Магърибалъул информалатаз лъазабулеб буго улкаялъул магърибалъул рахъалда рагъулаб къуват цIикIкIинабиялъул Москваялъ лъазабулеб бугин цIорораб рагъул заманаялдаса нахъе бихьун букIинчIеб куцалда гIадин Москвагун Магърибалъул гьоркьорлъаби хун хадубин.