Reuters агентлъиялъул лъазабиялда рекъон, Йеменалъул Саада абураб провинциялда бугеб «ГIорхъаби лъаларел тохтурзаби» гIуцIиялъул клиникаялда щвезабураб авиакьабиялъул хIасилалда хун вуго лъабго чи. Медиказул рагIабазда, ракета кьвагьун, гьенив лъукъунги рагIула гьединго I0 чи. Лъица гьеб кьаби щвезабурабали мухIканлъизабулеб буго.
Цебесеб соналъул хаслихълъиялда гьеб гIуцIиялъ лъазабулеб букIана жидер объекталда кьаби щвезабунин Йеменалда хуситазде данде къеркьолеб СагIудиязул ГIарабиялъ нухмалъулеб рагъулаб коалициялъул авиациялъин.