Протест халат бахъинабулел кIудияб манзилалъ юк баччулел автомобилазул бетIергьабазул лидерал ун руго Россиялъул регионазде, жидерго пишацоязулгун альтернативияб профессионалиялиб цолъи гIуцIиялъул ва хадусел галабазул суал гьоркьоб лъеялъул мурадалда.
РБК агентлъиялъул лъазабиялда рекъон, профессионалияб цолъиялъул цIар букIине бегьула «ГIумруялъул нух» абураб.Петербургалъул «далнобойщиказул» координатор Андрей Бажутинил рагIабазда, гьединаб гара-чIвари букIун буго Карелиялда, гьеб хIалтIи халат бахъинабизе бугин гьединго Мурманскалда, Рязаналда ва Дагъистаналда. Гьелда хадубги хIалтIи халат бахъине буго цогидал регионаздаги, лъазабулеб буго.