Ираналда цIидаса рагъарана СагIудиязул ГIарабиялъ шиитазул шайих Нимра ан-Нимра чваялда хурхун протестал. Тегераналъул къватIазде вахъана аза-азар протестант.
Ираналъул информалатаз лъазабулеб буго, гьединалго акцияби тIориIтанин цогидал шагьараздагийин.
Шайих чIваялъе гIоло Ираналда ругел жидерго дипломатиял идарабазул минабазде тIадекIанцIиял гьарун хадуб, СагIудиязул ГIарабиялъ дипломатиял гьоркьорлъаби чIезаруна Тегераналъулгун.
Эр-Риядалъул рахъ ккун, гьединабго галиялде ана БахIрейн, Судан, Джибути, Сомали. Кувейталъ ва Катаралъ Тегераналдаса нахъе ахIана жидерго вакильзаби. Цолъарал гIарабазул эмиратаз гIодобе бачана дипломатиял бухьеназул даража.Жавабияб гали хIисабалда, Ираналъ гьукъана СагIудиязул гIарабиялдаса импорт.