Би-Би-Си агентлъиялъул лъазабиялда рекъон, Цолъарал миллатазул гIуцIиялъул ХIинкъигьечIолъиялъул Мажлисалъ квешаб къимат загьир гьабуна Ираналъул демонстрантал СагIудиязул ГIарабиялъул Тегераналда бугеб вакиллъиялъул ва Мешхед шагьаралда бугеб консуллъиялъул минабазде тIадекIанцIиял гьариялда бан.
Гьел актазе багьаналъун рехсолеб буго СагIудиязул тIалъиялъ шиитазул шайих Нимра аль-Нимра ва гьесул рахъ кколезул 40 чи чIвай.ХIинкъигьечIолъиялъул Мажлисалъ Ираналъул нухмалъи ахIана къватIисел улкабазул дипломатал ва гьезул буголъи цIуниялде ва жиндирго халкъаздагьоркьосел тIадеросиял туразариялде.
Гьелъ гьединго конфликталъул кIиябго рахъ ахIана диалогалде ва регионалда загьирлъулеб хIалуциналъул даража гIодобе ккезабиялъул галаби гьариялде.