ГIиракъалъул Тикрит шагьаралда аскIоб бугеб хIукуматалъул рагъулаб базаялде гьабураб гьужумалъул хIасилалда 15-гIан рагъулав хъулухъчи чIван вуго, 22-гояв лъукъана.
Гьеб букIун буго суицидалияб гьужум. Гьелъулъ гIахьаллъанин жалго жидецаго чIвазе хIукму гьабурав щугояв.
Жавабчилъи тIад босана террористикияблъун рикIкIунеб «Исбьамияб пачалихъ» абулеб багъа-бачариялъ. Гьадин лъазабун буго Интернеталда гьелъул рахъ ккураз.
Гьалкъоязда ГIиракъалъул тIадтараз лъазабун букIана жидеца хвасар гьабунин 2015 соналъул риидал террористаз ккураб Рамади шагьар.