Дамаскалдаса машрикъалъул рахъалдехун рузман къоялда чIван вуго Сириялъул рагъулаб оппозициялъул бищунго кIудиязул цояб «Джейш аль-Ислам» абулеб къукъаялъул лидер Захран Аллюш. Гьедин лъазабулеб буго Британиялда чIей гьабун бугеб ва Сириялда инсанасул ихтиярал цIуниялда хадуб тохаллъи гьабулеб Централъ.
Гьезул баяназда рекъон, Аллюш ва жеги щуго авлахъалъул командир хун вуго Машрикъалъул Гутаялда гьезул штабалда авиакьаби щвезабун хадуб. Гьениб унеб букIун буго гьезул данделъи.
Reuters агентлъиялъ лъазабулеб буго, оппозициялде гIагарал жиндирго магъданазда мугъчIвайги гьабулаго, гьел авиакьабиял Россиялъул авиациялъ щвезарун рукIанин.
Лъазабулеб буго рагъулаб оппозициялъул бищунго гIуцIараб ва жаниб гIадлу бугеб къукъа бугин «Джейш аль-Исламин». Гьелъул контролалда рагIула Машрикъалъул Гута. Гьелъул кьералъ вуго аза-азар рагъухъан. Гьеб гIуцIилалде цебе Аллюшица жиндирго инсуда цадахъ гIуцIун букIун буго «Исламалъул бригада» абулеб къукъа. Захран Аллюшица «Исламияб пачалихъ» террористияб къукъаялъул рахъги кколеб букIун гьечIо ва гьесул гIадатияб исламалдехун цIайи цIикIкIараб букIун буго.