Россиялъул президент Владимир Путиница гъулбасун буго терроризмалде данде гьабулеб хIалтIулъ пачалихъияб нухмалъи цебетIезабиялда абураб армуялда гъоркь. Гьеб документалда рекъон, Каспийскалда, Мурманскалда, Петропавловск-Камчатскалда, Южно-Сахалинскалда ва Россиялъ аннексия гьабураб Крымалда ва Севастополалда гIуцIулел руго оперативиял штабал. Гьел штабаз гIуцIизе руго Россиялъ суверенитет цIунулел цоги ралъадазул гIатIилъабазда контртеррористиял операциязул планал. Гьел ралъадал ругел регионазда гIуцIулел штабазе нухмалъи гьабизе буго гIурхъабазда ругел ФСБялъул идарабаз.