ВахIшиял рагъал унел руго Афгъанистаналъул Гильмент провинциялъул Сангин абулеб мухъалда тIалибазда ва хIукуматалъул къуватазда гьоркьор. Гьеб мухъ тIалибаз кверде босун букIана гьаб анкьалъул авалалда. Афгъанистаналъул улка цIуниялъул министрас арбагI къоялда журналистазе абухъе, гьеб мухъалде ритIун руго дагьалги къуватал ва гьес гьарулеб буго халкъаздагьоркьосеб кумек, хасго авиациялъул кумек.
Британиялъ гьенире ритIун руго Цолъарал Миллатазул ГIуцIиялъул мандатгун солдатазул контингент, амма гьезул кумек букIине буго гIицIго малъа-хъваял гьариялъулъ.