МагъчIваялъе рес

Туркиялъ какана Сириялъул Идлиб шагьаралда Россиялъул авиакьабиял


Туркиялъул премьер-министр АхIмад Давутоглуца какана Сириялъул Идлиб шагьаралда Россиялъ швезабураб авиакьаби. Гьес абуна Сириялъул территория киданиги букIине гьечIин «Россиялъул империалистиял ишаназул» бутIалъунин.

Асадил къуватазде данде багъулеб опоозициялъул контролалда бугеб Идлиб бакьулъ, базаралда, чанго хIукуматалъул минаялда ва гIадамаз гIумру гьабулел рукъзада 20 декабралда щвезарурал авиакьабиязул хIасилалда хун вуго анцI-анцI чи. Гьедин лъазабулеб буго хвасарчагIаз ва бакIалъул гIадамаз. Россиялъ абулеб буго гьеб бакIалда жидеца авиакьабиял щвезаричIин.

Давутоглул пикруялда, Сириялда Россиялъул гьавадул кампаниялъ оппозиция ва гIадатиял гIадамал ишаналде росун руго ва гьелъул хIасилалда радикалиял къуватал гьенир щулалъулел руго.

XS
SM
MD
LG