Цолъарал Штатазул улка цIуниялъул министр Эштон Картерица рикIкIунеб буго, ГIиракъалъул ичIго рагъулав Цолъарал Штатазул авиациялъул кьабияздаса хун ватизе бегьулин ва зигара бана ГIиракъалъул премьер-министр ХIайдер аль-Абадиде телефоналдасаххун.
Коалициялъул къуватаз авиакьабиял щвезарулеб мехалда ГIиракъалъул рагъулал хун рукIин шамат къоялда тасдикъ гьабуна ГIиракъалъул улка цIуниялъул министр Халед аль-Обейдица.
Гьелдаго цадахъ Цолъарал Штатазул рагъулаз лъазабулеб буго, Америкаялъ нухмалъулеб рагъулаб коалициялъ щвезарурал авиакьабиязул хIасилалда Россиялдаги цогидал улкабаздаги гьукъараб «Исламияб пачалихъ» гIуцIиялъул 200-ялде гIунтIун чи тIагIинавунин.