МагъчIваялъе рес

Киевалъ мораторий лъазабуна Россиялъул газалъухъ налъи нахъ буссинабиялда хурхараб


Россиялъул газалъухъ налъиялда хурхун диваналъул хIукму къотIилелдего ва гьеб налъиялъул реструктуризациялда хурхараб цебелъей гьоркьоб лъезегIан чIечIого, Украиналъ мораторий лъазабуна Москваялъе 3 миллиардгун 500 миллион долларалъул налъи кьеялъе. Гьелъул хIакъалъулъ рузман къоялда лъазабуна Украиналъул премьер-министр Арсений Яценюкица.

17 декабралда Халкъаздагьоркьосеб валютаялъул фондалъ Россиялда цебе Украиналъул налъи лъазабуна суверенияблъун. Киев чIун букIана, гьеб налъи коммерциялъулаб бугин ва Москваялъ гьелъул реструктуризация гьабизе кколин. Россиялъул талъиялъ инкар гьабуна.

Налъи нахъ буссинабиялъул ахирисеб къо кколеб буго 20 декабрь. Гьелда хадуб Россиялъул ихтияр буго гьеб гIарац диваналъул кумекалдалъун бахъизе. Россиялъул президент Владимир Путиница тасдикъ гьабуна диваналде хитIаб.

XS
SM
MD
LG