Россиялдаги цогидал улкабаздаги гьукъараб «Исламияб пачалихъ» яги ДАГIИШ абураб террористияб гIуцIиялъ хIалтIизе биччан буго жидерго радио Афгъанистаналъул Нангаргьар абураб провинциялда.
БакIалъулаб парламенталъул депутатазул рагIабазда, радиоялъ жиндирго программаби кьолел руго FM-диапазоналда ва гьеб кколеб буго провинциялъул кинабго территориялда.
Радикалиял исламистаз эфиралда какулеб буго хIукумат ва гIолохъаби ахIулел руго жидерго кьеразулъе лъугьаналде.«Исламияб пачалихъ» Афгъанистаналъул талабиз ккун рукIарал машрикъалъул рахъалъул территориялда машгьурлъулеб буго хехаб къагIидаялда.