Россиялъул тIалъиялъ 2016 соналъул къватIисел улкабаздаса хIалтIухъабазул квота гьитIинлъизабуна 22 проценталъ. Гьелъул хIакъалъулъ лъазабуна Россиялъул министразул кабинеталъ.
Гьелда цебе ЗахIматалъул министерлъиялъул идарабаздагьоркьосеб комиссиялъ лъазабун букIана, визабаздалъун къватIисел улкабаздаса хIалтIизе рачIунел гIадамазул къварагIел дагьлъанин 20-ялдаса цIикIкIун проценталъ. Гьеб кколеб буго 214 азарго чиясул къадар.
Гьелдаго цIадахъ министерлъиялъ кIвар буссинабулеб буго, махщел кIудиял хIалтIухъабазул къварагIел кIудияблъун хутIулеб букIиналдеги.