Европаялъул Мажлисалъул генералияв секретарь Тубьерн Ягландица лъазабуна, Россиялъул Конституциялъулаб диваналъ жиндирго хIукмаби къабул гьаризе кколин Инсанасул ихтияразул Европаялъул конвенция кьучIоеги босунин.
Инсанасул ихтитярал цIуниялъул Европаялъул диваналъул хIукмаби гIадахъ росичIого тезе Россиялъул Конституциялъул диваналъе рес чIезабулеб къануналда хурхун комментариял гьарулаго, Ягландица абуна, Инсанасул ихтиярал цIуниялъул Европаялъул конвенциялъул 46 статьяялда рекъон, Европаялъул Мажлисалъул киналго улкабазда тIадаб бугин Страсбургалъул хIукмабазе мукIурлъизейин
Талат къоялда Росиялъул президент Владимир Путиница гъулбасана Конституциялъул диваналъе гьединал ресал кьолеб къанун.