15 декабралда бахъараб Журналистал цIуниялъул халкъаздагьоркьосеб комитеталъул докладалда Китай ва Мисри рехсолел руго бищунго гIемер журналистал туснахъазде реххулел улкаби хIисабалда.
Гьелдаго цадахъ Нью-Йоркалда бугеб халкъаздагьоркьосеб инсанасул ихтиярал цIунулеб гIуцIиялъ кIвар буссинабилеб буго туснахъазда ругел информалатазул вакильзабазул къадар дунялалда, тохаб къагIидаялда букIаниги, гьитIинлъулеб букIиналде. Жакъа гьединазул гIаммаб къадар кколеб буго 199 чи. Сон цебеккун гьеб букIана 221.
Совет Союзалъул республикабилъун цере рукIарал пачалихъазда бищунго гIемер журналистал туснахъазда лъолел руго Азербайджаналда.