Нартил баррелалъухъ 35 доллар 2016 соналда бугони, гьелдаса гIорхъолъа борчIараб хIинкъи Россиялъул банказе гьечIин, лъазабуна журналистазда Сбербанкалъул нухмалъулев Герман Грефица. Гьелдаго цадахъ гьес абуна, хадусеб сон Россиялъул экономикаялъе бигьаяб букIине гьечIин. Гьанже экономикаялда загьирлъулеб ахIвал-хIал гьес рикIкIунеб буго захIматаб кризислъун.
Талат къоялда Россиялъул Банкалъ долларалъул курс чIезабуна 70 гъурущгун 83 капкил даражаялъул.
Россиялъул пресс-секретарь Дмитрий Песковас лъазабуна, Кремль гьанжеги гъорлъе лъугьунеб гьечIин гъурщил курсалда хурхараб хIукуматалъул политикаялдейин. Амма миллияб валютаялъул къиматалъул даража хис-хисулеб букIиналъ, ургъел ккезабулеб бугин, жубалеб буго гьес.