Жиндие кIудияб асар гьабунин Коррупциялде дандечIеялъул Фондалъ Россиялъул генералияв прокурор Юрий Чайкал гIага-божаразул коррупциялде хурхен бихьизабулеб цIех-рехалъин, амма жиндир гьелде кинаб гIаги хурхен гьечIин, лъазабуна Hermitage Capital абураб инвестициязул фондалъул бетIер Уильям Браудерица.
«Россия биххизабиялъе хасаб операция тIобитIулев агент жив вугин» абун гьес жинде гIунтIизарулел гIантул гIайибал релъарал ругин, цогьодулеб мехалда жиндир квер ккурав ва живго хвасарлъиялъе нухал ралагьулев чиясул эмоционалиял гIахьучIазда релъарал гьадингосал харбалин, лъазабулеб буго Британиялъул бизнесменас.
Генпрокурор Чайкаца лъазабуна, жиндир гIагаразда ва хIалтIухъабазда хурхараб Алексей Навальныясул Коррупциялде дандекъеркьеялъул фондалъ цIех-реххалъул хIакъахалъулъ фильм бахъун бугин Браудерил тIадкъаялда рекъонин.
Юрий Чайкаца къадру-къимат хвезабиялда хурхараб фондалъул гIарза гьоркьоб лъезе инкар гьабун буго итни къоялда Москваялъул Пресняллъул мухъалъул диваналъ.