Шималияб ГIиракъалда Башик абураб мархьиялдаса Туркиялъул рагъулазул бутIа нахъе анин гьенисан Туркиялъул гIорхъиялъул рахъалдехунин, лъазабулеб буго NTV абураб Туркиялъул телеканалалъ.
Гьелъул хIисабалда, Мосул шагьаралда аскIоб бугеб ругьунлъиязул мархьиялдаса къватIибе ун буго рагъулазул анцIго автомобил.
Гьеб кколин Туркиялъулги ГIиракъалъулъги тIалъиязул гьоркьорлъабазул цIиял механизмалда хурхун рузман къоялда гьарурал къотIи-къаязул хIасилин, лъазабулеб буго телеканалалъ. Кире гьеб транспорт ахир-къадги арабали, лъазабулеб гьечIо.