Пентагоналъул ракI чIун буго Дейр-эз-Зор шагьаралда бугеб Сириялъул хIукуматалъул рагъулаб мархьиялде гьавадул гьужумал Россиялъул авиациялъ гьарун рукIиналда. Гьелъул хIасилалда лъабго аскарияв чIван, анцIила лъабгоявги лъукъун вуго. Гьадин лъазабуна журналистазде. Америкалъул тIадегIанаб рагъул идараялъул вакилас.
Итни къоялъ Сириялъул къватIисел ишазул министерлъиялъ лъазабуна, хIукуматалъул рагъулаб мархьиялде ичIго ракета биччан букIанин Америкалъул нухмалъиялда гъоркь гьениб рагъ бачунеб халкъаздагьоркьосеб коалициялъ. Гьелда бан рехсараб министерлъиялъ Цолъарал Миллатазул ГIуцIиялде гIарз битIана.