Азербажаналда 6 декабралда батун буго Каспий ралъдалъ нарт бахъулеб платформаялда хварав кIиабилев чиясул жаназа, 29 чи лъазавун вуго виларавлъун. Гьебго заманаялда улкаялъул президент ИльхIам ГIалиевас улкаялда лъазабун буго хваразухъ ва риларазухъ миллияб чIегIербаялъул къо. Цебесеб къо 5 декабралда Каспий ралъдалъ нартил платформаялда цIа ккедал 32 чи хун вугин лъазабун букIана Азербажаналъул нарт бахъулезул ихтиярал цIунулеб Комитеталъ. Гьезго лъазабун букIана 42 чи лъукъунги вугин. Амма Азербажаналъул SOCAR абулеб нартил рахъалъ пачалихъияб компаниялъ гьел баянал уял гьарун рукIинчIо. Официалиял баяназда рекъон, улкаялъул гъорхъолъа арал ишазул министерлъиялъ «Гюнешли» абулеб бакIалда бугеб гьеб платформаялдаса нахъе вачун вуго 33 чи. Платформаялда цIа ккун буго рузман къоялъул къаси газидасан.