Россиялда ва цоги цо-цо улкабазда гьукъараб «Исламияб пачалихъ» террористияб къукъаялъ тIаде босу буго Америкаялъул Сан-Бернардино шагьаралде (штат Калифорния) 2 декабралда гьабураб тIадекIанцIиялъул жавабчилъи. Гьенив чIван вукIана 14 чи. Reutersалъ лъазабулеб буго гьедин абулеб бугин гьеб къукъаялъ интернеталда лъураб радиохитIабалдайин.
Гьелдаса цебе ФБРалъул вакилас лъазабун букIана жидеца гьеб кьвагьдей террористияб актлъун рикIкIунеб бугин. Сан-Бернардиноялда кьвагьдаразул цояй Ташфин Маликица Фейсбукалда жиндирго гьумералда гьа бан букIун буго "Исламияб пачалихъалъул" лидерасе. Гьедин лъазабулеб буго ФБРалъ. Гьезулго баяназда рекъон, гьелъул ва гьелъул рос Саед Фарукил телефоналдасан бухьенги букIун буго цоги ишазда хурхун Америкаялъул хасал хъулухъазул сияхIазда ругел гIадамалгун.
Социалияб кумек гьабиялъул централде тIадекIанцIи гьез лъикI гIуцIун гьабураб букIанин рикIкIунеб буго ФБРалъ.
27 сон барай Малик ва 28 сон барав гьелъул рос Фарук чIван рукIана хамиз къоялда полициялъулгун букIараб кьвагьиялда. Щайклъи буго гьел кIиязго арбагI къоялда 14 чIваялда ва 20 лъукъиялда.