Жакъа Москва сверун ругел шагьранухазул цо-цо бакIал нухлул полициялъ сагIат гIанасеб заманаялъ къан рукIун руго.
Гьенисан гIадамаз лъазабулеб букIана нухда чIарал гIемерал автомашинабазул. Цо-цо информалатазда раккун рукIана гьеб нух камазчагIаз къан бугин абурал лъазабиялги. «Платон» абулеб гIарац бакIарулеб системаялда разилъи гьечIолъи загьир гьабун Москваялда акция тIобитIизе бугин лъазабун букIана камазчагIаца. Амма нух гьез къан букIанин абураб официалияб баян гьечIо.
СагIаталдасан гьеб нухги рагьун буго.
КамазчагIазул ва гьезул акциялъул нижеца гIатIидго бицине буго жакъасеб программаялда цIиял харбазда хадубго.