3 декабралда "Платон" системаялъул хIалтIи чIезабичIони, 4 декабралда Москваялда федералиял нухал къазе ругин жидецайин лъазабун букIана Россиялъул гIемерисел регионазда юк баччулел чIахIиял автомашинаби рачунез. Жакъа Москваялда гъоркьехун Химкиялда ракIарулел ругел гьез лъазабулеб буго Дагъистаналдаса колонна бачIинегIан чIун ругин жалин. Гьезулго цогияз лъазабулеб буго низам цIунулезул колланбиги ругин гьенирехун рачIунелин.
Эркенлъи Радиоялъул гIурус хъулухъалъ гьел шоферал ракIарулеб бакIалдасан кьолеб буго чIагояб эфир.