МагъчIваялъе рес

ЧIван руго Америкаялда гIадамазде кьвагьдеялъул щаклъи бугел кIигоял


Америкаялъул Калифорния штаталда полициялъулгун букIараб къвагьа-гIанхъиялда чIван руго Сан-Бернардино шагьаралда гIадамазде кьвагьдеялъул щаклъи бугел кIигоял-бихьинчиги, чIужугIаданги. Лъазабулеб буго гьел ругин 28 сон барав Саед Фарук ва 27 сон барай Ташфин Маликин. Абулеб буго гьезухъ гIемераб ярагъ букIанн ва гьел лъутизе къачIалел рукIанин. Цо полицияв тIадагьго лъукъун вуго. Гьедин лъазабулеб буго Эркенлъи Радиоялъул мухбирас.

Инвалидазе кумек гьабиялъул рахъалъ социалияб идараялда арбагI къоялдва кьвагьдеялъул хIасилалда чIван вуго 14 ва лъукъун вуго 17 чи.

ФБРалъ абулеб буго гьеб теракт букIун батизеги рес бугин, амма тIадекIанцIи гьабуразул мотивал лъалел гьечIин. 2012 соналда Коннектикуталда 26 чи чIваралдаса нахъе Америкаялда рукIарал тIадекIанцIиязда Сан-Бернардиноялда чIван вуго бищунго гIемерав чи.

XS
SM
MD
LG