Саратовалда шагьаралъул №3 гимназиялъул цIалдохъабазул улбуз прокуратураялде гIарза хъвазехъин буго гьеб цIалул идараялъул директор Татьяна Райковалда тIасан. Гьелъ лъазабун букIун буго жидер цIалдохъабаз Россиялъул рагъулал къуватазе Туркиялда кьвагьизабуралъул бакIалда цIияб рагъулаб аэроплан босизе гIарац бакIарулеб бугин. Гьедин лъазабулеб буго "Rus2Web" сайталъ. Гьенибго хъвалеб буго Райковалъ гьединаб магIнаялъул кагъат цIалун бугин икълималъул думаялда цебе бугеб ЖамгIияб щураялъул данделъиялда ва абун бугин лъималаз гьеб кагъат президент Путинихъе хъвараб бугин. Жалго лъималаздаги гьезул улбуздаги гьелъул хIакъалъулъ лъалеб жо букIун гьечIо. Гьеб киналдаго тIасан жийго Райковалъул комментарий гьечIо.