Москваялда гIумруялдаса ватIалъун вуго кинорежиссер Эльдар Рязанов. Ахирал соназ гьев захIматго унтун вукIун вуго. Гьес рахъун руго СССРалда кIудияб машгьурлъи щвараб 30-ялдаса цIикIкIун фильм. Гьездаго гьоркьор Россиялда щибаб ЦIияб соналъул сордоялъ бихьизабулеб «Ирония судьбы, или С легким паром!», «Служебный роман», «Вокзал для двоих» ва гIемерал цогидал. Рязановасе букIана 89 сон.