МагъчIваялъе рес

Сириялда бортизабураб Су-24-ялъул пилотас бицун буго лъугьа-бахъаралъул


Туркиялъ бортизабураб Россиялъул Су-24 аэропланалъул штурман Константин Мурахтиница лъазабуна, Туркиялъул пилотаз Россиялъул экипажалда лъазабичIин гьезул улкаялъул гьаваялъул гIатIилъиялъул гIорхъаби хвезарулел рукIиналъул хIакъалъулъ, жидер машиналде ракета биччалелда цебейин.

Гьесулго рагIабазда, букIун гьечIо я радиоялъул, я визуалияб контакт, ракIалдаги гьечIого, ракета бачIун буго аэроаланалъул рачIчIалъул рахъалдаса.

Россиялъул Су-24 бортизабуна Туркиялъул F-16 аэрропланалъ 24 ноябралда Туркиялъулгун Сириялъул гIорхъода.

Туркия чIун буго Россиялъул экипажалъ улкаялъул гIорхъаби хвезарунин ва кIвар кьечIого танин чанго нухалъ гьарурал лъазабиялин.

Россилъул тIалъиялъ абулеб буго, жидер аэроплан букIанин Сириялъул гьаваялъул гIатIилъиялдайин.

Россиялъул президент Владимир Путиница абуна, гьеб инцидент кколин мугъзалъ щвезабураб кьабийин.

XS
SM
MD
LG