Россиялъул къватIисел ишазул министр Сергей Лавровас 25 ноябралда тIобитIизе кколеб букIараб Стамбулалде визит нахъе бахъана.
Гьес лъазабуна гьединго, Туркиялда террористияб хIинкъиялъул даража Мисралдаса дагьаб гьечIин ва россиялъулал ахIана Туркиялде хIухьбахъиялъул сапар бухьиялдаса инкар гьабиялде.
Гьелда цебе Пачалихъияб Думаялъул вице-спикер Николай Левичевас Росавиациялъул бетIер Александр Нерадькохъе кагъат битIана Турциялъулгун авиациялъулаб бухьен чIезабиялъул ресал цIеххон. Левичевасул инициатива гIумруялде бахъунеб бугони, гьеб ккола Россиялдаги Туркиялдаги гьоркьоб авиабухьен чIезабулеб бугин абураб.
Россиялъул бищунго кIудиял туроператоразул цояб «Натали Турсалъ» Туркиялде турал ричи гьоркьоб къотIизабун буго. Гьелъул хIакъалъулъ хъвалеб буго «Газета.ру» сайталъ.