Anonymous абулеб хакеразул халкъаздагьоркьосеб къукъаялъ лъазабуна, Исламияб Пачалихъалъ цIиял терактал хIадурулел ругин Франциялда, Италиялда, Цолъарал Штатазда, Ливаналда ва Гьиндонезиялда.
Гьадин лъазабуна International Business Times газетаялъ. Америкалъул Цолъарал Штатазул ЦIех-рех гьабулеб Федералияб бюроялъ жиндир иргаялда абулеб буго, жиндихъ гьадинаб информация гьечIин.
Амма гьадин абун бугониги Атлантаялда кьваризарун руго хIинкъи гьечIолъиялъул шартIал. Хасго гьеб шагьаралда террористазе бокьилаанин тIаде-кIанцIи гьабизе, ян лъазабуна хакераз.