Малиялъул тIадтаразул баяназда рекъон «Рэдиссон» петералде гьабураб гьужумалъул хIасилалда 21 чи чIван вуго. Рузман къоялъ анцIго экстремистаз 170-гIан чи гъоркьлъалие восун вукIана гьеб улкаялъул тахшагьар Бамакоялда. Гьезда гъорлъ – къватIисел улкабазул гIемерал гIадамал.
Гьужумалъул жавабчилъи тIад босана Аль-КъагIидагун бухьен бугеб цо экстремистикияб къукъаялъ. Улкаялда анцIго къоялъ лъазабун буго гIорхъолъа борчIараб ахIвал-хIалалъул низам ва 23 ноябралдаса байбихьун чIегIер баялъул лъабго къо.
Россиялъул къватIисел ишазул министерлъиялъул вакил Мария Захаровалъ лъазабуна, Бамакоялда чIваразда гъорлъ россиялъул гражданалги ругин.