Туркиялъул Ататюрк аэропорталда ккун вуго Исламияб пачалихъалде хурхен букIиналда щаклъи бугев микьго чи. Полициялъул хIисабалда гъозул хиял букIун буго Европаялда цIиял терактал хIадур гьаризе.
Туркиялъул Анатолия абулеб агентлъиялъул баяналда мугъчIвай гьабун Франс-пресс агентлъиялъ лъазабулеб буго щаклъи ккарав цоясухъа бахъун буго мухIканаб маршрут – Стамбулалдаса Германиялде кин ине кколебали бихьизабулеб.
Туркиялда гьабсагIат вуго Сириялдаса лъутарав кIиго миллион гIанасев мигрант. 2015 соналъул тIоцебесеб бащалъиялда Туркиялдаса депортация гьавун вуго экстремизмалде хурхен букIиналда щаклъи бугев 700-гIан чи.