Россиялъул Олимпиадаялъул комитеталъ тIадагьаб атлетикаялъул ТIолгороссиялъул федерациялъе гьабизехъин буго реформа. Гьеб хурхараб буго допингалъул скандалалда.
Гьедин лъазабулеб буго рехсараб комитеталъул ва Олимпиадаялъул халкъаздагьоркьосеб комитеталъул бутIрул-Александр Жуковасда ва Томас Бахида гьоркьор Москваялда рукIарал кIалъа-ралъаязул пресс-релизалда.
Документалда абулеб буго допинг хIалтIизабиялъул скандалалде ккарал киналго хъулухъчагIи, тренерал ва махщелчагIи спорталдаса рикIкIад гьаризе ругин ва гьезие тамихI гьабизе бугин. Гьединго тамихI гьабизе буго допинг хIалтIизабурал киналго спортсменазеги.
Гьеб скандалалда бан хIинкъи буго Россиялъул тIадагьаб атлетикаялъул федерация Бразилиялда тIасияб соналда букIине бугеб Олимпиадаялде биччачIого тезеялъул.