Бакуялъул диванханаялъ рокъовго жанив тIамизе абун туснахъалъуса эркен гьавун вуго инсанасул ихтиярал цIунулев Ариф Юнус, гьев унтун вукIиналда бан. Гьедин лъазабулеб буго Эркенлъи Радиоялъул азербажаназул хъулухъалъ. Баку бахине гьукъараб протоколалда гъулбасги лъезабун буго гьесда. Гьесие туснахъалъул анкьго ва гьесул лъади Лейла Юнусие –микьгогун бащдаб сонал кьун рукIана исана августалда экономикиял такъсирал гьарунинги абун.
Халкъаздагьоркьосел инсанасул ихтиярал цIунулез гьеб процессалде абулеб букIана диваназул системаялда тIад релъийин.
Бакуялда ракълил ва демократиялъул Институт гIуцIарай Лейла Юнус туснахъалъулго хутIулей йиго.