Узбекистаналда туснахъалъуса виччан вуго машгьурав оппозиционияв хIаракатчи Мурод Джураев. Гьес туснахъалъуб бан буго 21-ялдаса цIикIкIун сон. Гьедин лъазабун буго Ташкенталда бугеб «Эзгулик» («РахIму») абулеб инсанасул ихтиярал цIунулезул централъ.
63 сон барав Джураев вуго этникияв туркменав. Араб гIасруялъул 90-соназул авалалда гьев вукIана Узбекистаналъул ТIадегIанаб Щураялъул депутатлъунги.
1994 соналда гьев жанив тIамун вукIана улкаялъул тIалъи рехизе къачIалев вукIанин абун. Гьесул рахъ кколез рикIкIуна гьеб ишалъул политикияб магIна букIанин.
Джураев виччан вуго Америкаялъул пачалихъияв секретарь Джон Керри Ташкенталда Узбекистаналъул президент Ислам Каримовгун дандчIван кIиго анкьидасан. Джураев эркен гьави цо-цо тохалчагIаз хурхинабулеб буго гьеб хIужаялда.