Мисргун авиабухьен цIи гьабизе буго хIинкъигьечIолъиялъул киналго тадбирал чIезарун хадуб, кида гьеб гьабизе бугебалиги жеги лъалеб гьечIо. Гьедин абуна талат къоялда Россиялъул транспорталъул министр Максим Соколовас. Гьанжеялде Мисралдаса нахъе вачун вуго Россиялъул 35 азарго турист. Гьелъие гIиллалъун ккун букIана октябралъул ахиралда Мисралдаса Россиялде боржунеб букIараб А321 аэробус борти ва гьелда тIад вукIарав 224 чи хвей. Гьелдаса хадуб президент Путинил амруялдалъун къотIизабун буго Мисраде роржин.