Оппозиционияв политик Борис Немцов чIваялъул гIайиб гIунтIизабун буго МухIудинов Русланида. Гьедин лъазабулеб буго Немцовасул хъизаналъул адвокат Вадим Прохоровас. Гьес гьединго абуна, Немцовасул гIагаразул хьул бугин гьединабго гIайиб МухIудиновасул гьудул Руслан Геремеевасдаги гIунтIизабизе букIиналдайин. Гьедин лъазабулеб буго ТАССалъ
5 ноябралда МухIудинов лъазавун вуго цIех-рехалде. ЦIех-рехчагIаз рикIкIунеб буго гьеб ишалъулъ кинавалиго «Русик» абун бицунеб букIанин Немцовасде кьвагьиялда щаклъи бугев Дадаев Заурица. Политик чIваралъухъ 25 млн. гъурущ кьезе бицун букIанин «Русикицайин» абун букIун буго Дадаевас сурав босулаго. Руслан МухIудинов вукIун вуго «Север» батальоналъул бетIер хисулев Руслан Геремеевасул шоферлъун ва гьенибго хъулухъ гьабулеб букIун буго Дадаевасги.
Немцов чIван вукIана 28 февралалъул сардилъ Кремлалда аскIов. Гьеб такъсиралда гIахьаллъиялъул щаклъи букIун ккун вуго щуго чачанав. Гьел киназго гIайибал нахъчIвалел руго.