1949 соналдаса хадуб тIоцебесеб нухалда Сингапуралда шамат къоялда дандчIвана Китаялъулги Тайваналъулги лидерал Си Цзиньпин ва Ма Инцзю.
КIалъа-басаязда цебе Ма Инцзюца хьул загьир гьабуна, Китаялдаги Тайваналда гьоркьоб диалог халат бахъине букIиналъул. Гьесул рагIабазда, гьел кIалъа-басаязул мурад ккола регионалда ракълилалб ахIвал-хIал щулалъизаби.
Гьезда цебе Тайваналъул тахшагьар Тайпеялда гьел кIалъа-басаял тIоритIиялде данде ругел демонстрантаздаги полициялдаги гьоркьоб ккана тунка-гIусиял.
Китаялъул централияб хIукуматалдаги Тайваналдаги гьоркьор официалиял гьоркьорлъаби къотIизарун рукIана 1949 соналда, ай, Китаялъул коммунист партиялъулгун Китаялъул миллияб партиялъул букIараб гражданияб рагъда къурал Чан Кайшил рахъ кколел чIинкIиллъиялде лъутун хадуб.