Дагъистаналъул пенсиязул фондалъул бетIерлъун вукIарав Сагид МуртазагIалиевасул, Гъизляралъул бетIерлъун вукIарав Андрей Виноградовасул ва Гъизляралъул парламенталъ депутатлъун вукIарав ГIумар Асадулаевасул такъсирияб ишалъул гIорхъабазда ккун вуго Гъизляралъул полициялъул хIалтIухъан МахIамад МахIамадов.
Россиялъул цIех-реххалъул комитеталъул лъазабиялда рекъон, ккурасде гIунтIизабулеб буго Дагъистаналъул Жанисел ишазул министерлъиялъул бутIаялъул нухмалъулев хисулев чIвазе гьабураб хIалбихьиялъе квербакъи гьабиялъул.
МуртазагIалиевасде, Виноградовасде ва ГIумаровасде гIунтIизарулел руго чIвадари гIуцIиялъулги терроризмалъе квербакъи гьабиялъулги гIайибал. Винградов вуго аресталда гъоркь, хутIарал фигурантал лъазарун руго халкъаздагьоркьосеб ралагьиялде.