Москваялъе ракIалъе гIолеб гьечIо Цолъарал Штатазулги Британиялъулги пачалихъиял хъулухъчагIаз Мисралда Россиялъул аэроплан бортиялда бан гьарурал лъазабиял.
Жидер хасал хъулухъазул хIисабалда, Россиялъул аэробус А32I бортиялъул багьаналъун «Исламияб пачалихъ» гIуцIиялъ лъураб бомба кьвагьи букIиналъул ресал кIудиял ругин, лъазабун букIана Британиялъул премьер-министр Дэвид Кэмероница.
Гьелдаго релъарал лъазабиял гьаруна Цолъарал Штатазул цо-цо пачалихъалъул вакильзабазги.
Россиялъул президентасул пресс-секретарь Дмитрий Песковас лъазабуна, Москваялъ цо версия батIа гьабун, цогидал кIвар кьечIого тун гьечIин ва гIагсаб къагIида хIалтIищари гьел спекуляцияби кколин.