Россиялъул къватIисел ишазул министр Сергей Лавровас лъазабуна, Сириялъул оппозициялъ гIуцIизе кколин Дамаскалда тIоритIизе кколел кIалъа-басазда гIахьаллъизе жидерго делегацияйин.
Гьединаб лъазаби Лавровас гьабуна Цолъарал миллатазул гIуцIиялъул Сириялъул рахъалдаса хасал вакил Стефан де Мистуралгун рукIарал кIалъа-басаязда.
Министр разилъана гьединго «Сириялда бугеб ахIвал-хIалалда гIахьаллъулел къватIисел рахъаз юргъан щибалъ жинхъего цIала рукIинчIого, жидерго делегация гIуцIизе кколин гьел политикиял къалъа-басаяздейин», абураб де Мистурал лъазабиялда.
Лавровас гьединго лъазабуна, Сириялъул оппозициялда хъвазе гьечIел террористиял гIуцIабазул сияхIал хIадур гьаризе кколин гьеб улкаялъул проблемабазда хурхун Венаялда тIобитIизе бугеб хадусеб данделъиялдейин.