Америкалъул Цолъарал Штатазул Пачалихъияв секретарь Джон Керрица Централияб Азиялде сапар бухьизехъин буго гьенир ругел улкабазул къватIисел ишазул министрабазулгун кIалъа-басаял тIоритIизари мурадалда.
Бишкекалда гьес гIахьаллъи гьабила Америкалъул университеталъул кампус ва Цолъарал Штатазул вакиллъиялъул цIиял офисал рагьиялъул рохалилал тадбиразда.
Самаркандалда Централияб Азиялъул щуябго улкаялъул министрабазулгун гьес кIалъа-басаял тIоритIила кIвар цIикIкIарал суалалгун гьоркьор.
Астанаялда Джон Керри гIахьаллъила Цолъарал Штатазулгун-Казахстаналъул стратегикияб партнерлъиялъул диалогалда.
Гьев гьединго данделъизехъин вуго Тажикистаналъул ва Туркменистаналъул бутIрулгун.