Россиялъул улка цIуниялъул министерлъиялъ лъазабуна, Сириялда 19 сон барав мухьдахъ рагъулаб хъулухъ гьабулев вукIарав Вадим Костенко чIван вукIин. Гьеб рагъулаб идараялъ лъазабуна гьав солдатас живго жинцаго чIван вугин.
Амма блоггерал ва Костенкол гьалмагъзаби гьелда божулеб гьечIо. Гьезул баяназда рекъон, командираз байбихьуда абунин Костенкоца живго жинцаго кваралъ гъанкъанин, хадуб гьез абуна, гьев цин гъанкъун, цинги речIчIун чIванин. Командованиялъ лъазабуна, гьеб хIужаялъул цIех-рех унеб бугин.