Евроцолъиялъ Косовогун къотIи-къай гьабун буго ассоциация гьабиялда бан. Гьелдалъун нух рагьун буго Косово – Евроцолъиялде гъорлъе жубаялъул суалгун гьоркьоб кIалъа-басаял байбихьиялде.
Рехсараб документалда гъоркь гъулбасал лъун ругоан Страсбургалда Евроцолъиялъул къватIисеб политикаялъул ТIадегIанаб вакил Федерика Моргеница ва Косовоялъул премьер-министр ГIиса МустIапаца.
Гьеб къотIи-къаялда рекъон Косовоялда тIадаб буго Евроцолъиялъул стандартазде данде ккун пачалихъияб нухмалъиялъул ва жамгIияб гIумруялъул киналго алатал рукIалиде ккезаризе. Хасго диваналъул системаялда ва инсанасул ихтиярал цIуниялъул рахъалъан. Косово лъидаго бачIеб улкалъун лъазабун букIана 2008 соналда Сербиялдаса батIа чIун.