25 октябралдаса байбихьун Украиналдаги Россиялдаги гьоркьоб чIезарулел руго авиарейсал.
«Би-Би-Си» агентлъиялъул хIисабалда рекъон, авиабухьен гьечIолъиялъ, щибаб моцIида жаниб квал-квал букIине рагIула сапаралде вахъарав 70 азарго гIанав чиясе.
Украиналъул хIукуматалъ гьединаб хIукму гьабуна сентябралда. Гьелда хадуб жаваб хIисабалда Москваялъги гьукъана Украиналъул авиакомпаниязе Россиялде рейсал гьаризе.