Россиялъул идарабаз чанго сагIаталъ Шереметьево аэропорталда ккун чIезабун букIана Ульяновскалде гражданияб рагъалъул заманалда рукIарал чехословакиялъул легионеразе мемориал рагьизе унеб чехазул делегация.
Чехазул къокъа Москваялде щвана хамиз къоялъ радал Чех республикаялъул Улка цIуниялъул министерлъиялъ хасаб рейс гьабун. Таможенияб хал-шал гьабун хадуб, багьана загьир гьабичIого делегация ккун чIезабун буго аэропорталда щуго гIанаб сагIтица.
Россиялда бугеб Чехиялъул вакиллъиялъ протесталъул нота кьуна Россиялъул КъватIисел ишазул министерлъиялъухъе.