Москваялда талат къоялъул маркIачIуда Россиялъул президент Владимир Путинидаги Сириялъул президент Башар Асадидаги гьоркьор тIоритIана кIалъа-басаял.
Президентасул пресс-секретарь Дмитрий Песковас журналистазда лъазабухъе, Асад Москваялде щвана хIалтIул визитгун. Гьесулго рагIабазда, кIалъа-басаял тIоритIана Россиялъул хъулухъчагIазул гьитIанабги кIудиябги къадаралъул къагIидаялда.
Песковас лъазабуна, Асадица Путинил лъай-хъвай гьабунин перспективиял планазулгунин. Лидераз гьединго гьоркьор лъун руго Сириялда тIобитIулеб рагъулаб операциялъул суалалги.
Гьелда цебе талат къоялда Россиялъги Цолъарал Штатазги гъулбасана Сириялъул гьаваялъул гIатIилъиялда роржариялъул хIинкъигьечIолъиялъул меморандум. Документалъ рихьизарулел руго кIиябго рахъалъул аэропланал ва дронал роржиналъе хIинкъигьечIолъи чIезабулеб регламент.
Цолъарал Штатазул Пачалихъияб департаменталъул пресс-секретарь Джон Кирбица лъазабуна, гьеб меморандум кколарин Россиялдаги халкъаздагьоркьосеб коалициялдаги гьоркьоб гьабураб къотIи-къайин.